થઈ જા !!

ટમટમવાનુ છોડ,
ઝળહળતો થઈ જા,
પાંખો ફેલાવ ને
ફળફળતો થઈ જા.
તોડ એકાંતી કોચલુ,
મળતો થઈ જા,
વસમી છોડ ઊંચાઈ,
ખળખળતો થઈ જા.
યુદ્ધ તારા કોઇ ના લડે,
ખૂદ હવે તું લડતો થઈ જા.
કરુણા એની અપાર છે,
થોડો બસ ટળવળતો થઈ જા.
આવ્યો ત્યારે રડતો આવ્યો,
જા પાછો તો રડતો નહીં જા.
-સુરેશ કુબાવત. (24.10.14)

અવ્યાન ગીત

જંગલ નાચે
ઝરણાં નાચે
પાન નાચે, પત્તા નાચે
સિંહ નાચે
સિંહણ નાચે
સાથે નાના બચ્ચા નાચે
હાથી, વાનર
ઝિબ્રા, જિરાફ
સાથે નાના પોરિયા નાચે
ચકલા નાચે
પોપટ નાચે
કળા કરતો મયુર નાચે
ગામ નાચે
સીમ નાચે
દૂર દૂર સુધી સૌ કો નાચે
દાદા નાચે
નાના નાચે
દાદી, નાની ઝૂમ કે નાચે
ફઈઓ નાચે
ફુઆ નાચે
કાકા, કાકી સંગ
મામા મસ્ત કલંદર નાચે
કુટુંબ નાચે
કબીલા નાચે
મેરે અપને સૌ મોજથી નાચે
ધરતી, આકાશ
આશ્કા, વિશ્વાસ
ચાંદ, સિતારા, સૂરજ
સાથે આખી આખી કાયનાત નાચે
હું રહું કેમ બાકી ?
એમ કહીને અવ્યાન
મારો બાળ કનૈયો નાચે.
આપણો લાલ દુલારો નાચે.
આજે પહેલો જન્મ દિવસ,
આજે છે શુભ મંગળ દિવસ,
ખુશી, આનંદ, ઉલ્લાસ સંગ,
શુભેચ્છાઓ અને આશીર્વાદ,
Kisses & Hugs સાથે,

પૂરે પૂરો પરિવાર નાચે.

૧૯.૪.૨૦૨૦

ઘર ઘર

બે છોકરા
ધૂળ ધૂળ રમતા તા
કાદવ સંગ મથતા તા
આગિયા પાછળ દોડતા તા
પતંગિયા પકડતા તા
કદાચ હું હતો
કદાચ તું હતો
આજે પાછળ જોઉં છું તો,
લાગે છે કે બહુ દૂર ગયો નથી
આગળ જોઉં છું તો,
લાગે છે કે અંતર હવે જાજું નથી.

નીચે જોઈને ચાલું છું,
તો દુનિયા કરે સવાલ કે
એવું તો શું કર્યું કે….

ઉપર જોઈને ચાલું તો,
તો કંઇક અલગ સમજે દુનિયા
ખરેખર તો
ઉપર જોઉં છું
અને મનોમન અંતર માપું છું ,
જ્યાં જવાનું છે…
તે જગ્યા
દૂર નથી….

નીચે જોઉં છું , જોવા કે હું હજુ ત્યાં જ છું,
નીચે જોઉં છું, જોવા કે આ સિકંદરો ની ધૂળ છે
ને કાલે હું પણ તેનો હિસ્સો હઈશ.
જ્ઞાની અને ગામડિયા ની ધૂળ અલગ પાડવા મથું છું.
પણ, ઓહ
બધું જ એકરસ છે.

આ એ જ જગ્યા છે,
જ્યાં કાલે આપણે હતા
જ્યાં આપણે કાલે હશું
જ્યાં આજે આપણાં પગલાં પડે છે
કાલે ત્યાં કોઈ બીજાના પડતાં હશે.

કાલે ફરીથી આ ધૂળમાં પાણી નાખી કોઈ કાદવ કરશે
રમકડાં બનાવશે
ઘર ઘર રમશે
ને ફરીથી….

સોરઠ

કેસર વરસે, કેસરી ગરજે
કેસરિયા ની સાખ સમંદર
માથા પછાડે, પગ પખાળે
કાંઠે બેઠો નાથ ભયંકર
કેસુડા નાં જોબન છલકે
ગોરખ આયા ચેત મછંદર
કાલી કાલી કોયલ કાળી
કાળા એના રૂપ તવંગર
ઘૂઘરીયળી ગોરજ ઊડે
આભ નાચે મસ્ત કલંદર
જાત ઓગળી ઝરણ થઈને
મર્કટ થઈ કોઈ નાચે અંદર
ઊગે સૂરજ સોનું થઈને
ધરા સોરઠ આ સરગ સમંતર

એવું નથી

એવું નથી કે કહેવું નથી, ને
એવું ય નથી કે સહેવું નથી
રાખો તમારું દીલ તમ પાસે
આપણે ત્યાં હવે રહેવું નથી.
ઉભય પક્ષે, આમ જુઓ તો
હિસાબ બરાબર છે આપણા
તમારે કદી કંઇ આપવું નથી
અમારે કયારેય કંઇ લેવું નથી.
જે હોય છે તે કોઈ માનતું નથી
જે માને છે તેવું કંઈ હોતું નથી.
દર વખતે કહો છો “આવજો ઘરે”
આવીએ તો ત્યાં કોઈ હોતું નથી.
SNK (૨૭.૧૧.૧૯)

तो कोई बात बने

टेढ़ा है तीर, जरा सीधा कर लो तो कोई बात बने
पैर में नहीं, दाग दो सिने में तो कोई बात बने ।
किसी और से मत पूछो कि कौन हूं, कैसा हूं मै,
आकर बैठो चंद घड़ी, पास, तो कोई बात बने ।
जमाना बड़ा शातिर है, और बड़ा कातिल भी है,
कभी कभार मेरे दिल की भी सुनो तो कोई बात बने ।
दुनिया ने शतरंज बिछा के रखी है यहां हर कदम,
जब तक अपना वजीर संभाल के रखो तो कोई बात बने ।
जहां जल दिखे वहां स्थल है, स्थल लगता वहां है जल,
हर कदम संभाल के रखो तो कोई बात बने ।
मीठी बाते लेकर फिर से आ गया है वही शकुनि,
कभी कृष्ण की कड़वी बातें सुनो तो कोई बात बने ।

  • सुरेश कुबावत

દિવાળી ની શુભકામના

મન ની અયોધ્યામાં રામનો નિવાસ હો ,
દિવાળી આપને આંગણ બારે માસ હો .

ડો.સુરેશ કુબાવત + ભાગ્યરેખા
શ્રધ્ધા કુબાવત.
વિશ્વાસ + આશ્કા + અવ્યાન
ભક્તિ + આદિત્ય રાવલ

હા હા હા હા હા હા હા

હા હા હા હા હા હા હા
હા હા હા હા હા હા હા
આ આ આ આ આતા ક્યા
આંખ સે આંખ મિલાતા કયા
હા હા હા હા હા હા હા
બોલ દે બોલ દે બોલતા ક્યા
ખાલી ફોકટ શરમાતા કયા
હા હા હા હા હા હા હા
દિલ કી બાતે દિલમેં રખેગા
રખ કે મર કા જાયેગા કયા
હા હા હા હા હા હા હા
દુનિયા યે હે પ્યાર કી દુશ્મન
દુનિયા સે ગભેરાયેગા ક્યા
હા હા હા હા હા હા હા
છોડ ગલી, મે છોડુ મહોલ્લા
મેદાન બડા હૈ, તું આતા ક્યા
હા હા હા હા હા હા હા
દિલ કી જીદ હૈ દિલ હિ માંગતા
દિલ પે બાજી લગયેગા કયા
હા હા હા હા હા હા હા
જીનેમે જો ના આયે મઝા
ઝિંદા ખુદકો દફનાયેગા કયા
હા હા હા હા હા હા હા